تعالوا شوفوا الزعيم عادل امام .. زعيم علي مين بالظبط ؟

تعالوا شوفوا الزعيم عادل امام .. زعيم علي مين بالظبط ؟ عادل امام فنان قديم .. ولا استطيع ان اقول قدير بالطبع !! بدأ حياته الفنيه بظهوره في مسرحيه للفنان المحترم فؤاد المهندس ورغم انها المره الاولي له في التمثيل .. اعطاه فؤاد المهندس دور كامل .. وتركه يلقي الافيهات بكل حريه وبدون قيود .. بل وكان يبتسم دوما لجمله (بلد بتاعه شهادات صحيح ) بلا حقد .. وبلا غرور .. وبلا تفرد .. وبلا احتقار للمثل المبتدئ الذي معه لا كما يفعل الان عادل امام بضرب وتلطيش الممثلين بل وضرب الممثلات علي مؤخراتهم !! عادل امام بنيته الجسديه هزيله .. تكاد ان تقول انه شخص مريض بمرض عضال عندما تراه .. لكنه وللعجب .. اتجه في افلامه الي ان يظهر كشجيع للسيما يهاجم دائما الكومبارس الاصلع الشهير الذي يظهر معه في جميع افلامه يدخل في فيلم جزيره الشيطان فيضرب ويدمر عصابه كامله ويفجر مقرهم ويحرقهم بزجاجه الخمر التي لاتفارق شفتيه وهذه مشاهد تعودناها منه .. تذكروا معي فيلم حنفي الابهه ( وهو بالمناسبه فيلم قذر بدوره) عندما وقف امام الممثل الراحل (مجدي وهبه) في نهايه الفيلم .. وليس معه سلاح ومجدي في طوله مرتين تقريبا .. ويقف مجدي وهبه امامه خائف منه في مشهد غريب وغير منطقي .. وكأنه يقف امام الاندر تيكر !! في فيلم سلام ياصاحبي يقاوم عصابات الخضار والفاكهه بضرب عربياتهم بالبطيخ .. ويقفز فوق عربيات النقل بكل لياقه ويضرب العمالقه بسهوله فيلم امير الظلام ضرير ويخاف منه مدير المركز !! ضرير ويقاوم عصابه دوليه تخطط لأغتيال الرئيس ضرير ويشنق ويحرق ويقذف خنجر بتنشين متقن في رقبه زعيمهم ضرير ويكسب حب الناس كلهم وحب بطله الفيلم الشقراء .. بدون اي سبب مفهوم فيلم الارهابي حاول ان يوصل لنا فكره ان الارهابيين غير متدينين اصلا ينظرون للنساء بشهوه .. يسرقون الاموال .. يحاولون ان يقعوا في الزني واظهر في الفيلم ان النصاري متدينين جدا .. وانهم ملتزمين ولا يوجد لديهم تليفزيون في المنزل .. ولا يسمعون الاغاني .. النصاري مصريين مثلنا ولا نتهمهم بشئ .. ولكن .. هل من العدل ان يظهر الفيلم بهذه الطريقه الظالمه ؟ في فيلم السفاره في العماره .. يظهر كذئب ادمي .. يمارس الجنس بدون اي حساب والنساء تظهر جميعهن خائنات لأزواجهن .. من اجل عادل امام ويعود لمصر من الخليج .. فتأتي معه المضيفه للمنزل .. يذهب لأي مكان .. اول امرأه جميله يزغلل عيونها عادل امام العجوز بجماله الفتاك ..!! ويأتي بها ليمارس معها الرزيله ونحن نشاهد الفيلم ونضحك علي الافيهات القذره .. لاننا تعودنا منه علي هذا .. يذهب للمظاهره فيأتي بقائدتها علي كتفيه .. فجأه يكتشف انه يجب ان تكون هناك قضيه للفيلم .. فيدخل الموضوع الفلسطيني وينقلب الفيلم القذر للفته وفاء تجاه القضيه .. وخد عندك التجربه الدنماركيه : الشعب المصري ذئاب بشريه تجري وراء نيكول سابا !! عريس من جهه امنيه : مشاهد منحطه من العجوزين لبلبه وعادل امام عماره يعقوبيان : بدون اي تعليق !! مرجان احمد مرجان : عادل امام عاد شاب مره اخري .. وتطلب منه ميرفت امين ان يبوس الواوا فيوافق !! حسن ومرقص : كالعاده تعامل مع النصاري بكل احترام ورقي .. وتعامل مع المسلمين بكل احتقار وعدم تقدير يكفي انه اخذ اذن الكنيسه في ( هل القسيس يغير ملابسه ؟ ) اجابوه بــلا فغير السيناريو بينما في جميع افلامه يجب ان يكون هناك مشهد .. اي مشهد والسلام . . عن شيخ يتم الاستهزاء به وجعله يظهر في صوره ارهابي حقير يقتل الاطفال قبل الكبار في فيلم بوبوس : استمرار لمشاهد العري والجنس .. يسرا المرأه العجوز تثبت مره اخري انها التوأم الروحي لعادل امام .. وانها مازالت مستمره علي نهجها بمشاهدها القذره مع عادل امام .. التي عندما رأيت احداها اقشعر بدني وانا اري الاثنان بكل علامات كبر سنهم وهم يلطخون وجوهم بالروج في مشهد اباحي .. دلوقتي اي فنان لو عمل فيلم او مسرحيه اسمها الزعيم او الملك او ام قويق بيطلع علي نفسه الاسم !! مش عارف ليه معملوش كده ايام فيلم الهلفوت !! وبعد هذا نأتي للسؤال الاول .. اتمني ان يجيب عليا من يقرأ الموضوع بسطر واحد يخبرني فيه .. عادل امام زعيم مين بالظبط ؟؟؟؟ ؟؟؟؟؟؟؟ ؟؟؟

مجله الشركه

مقارنه بين مصري وامريكي !!

ساعدتنا الفضائيات والانترنت علي ان نشاهد كيف يسير العالم من حولنا

وشعرت انني اريد ان اعمل مقارنه صغيره متواضعه

بمعني انها ليست شامله

والمقارنه بين شاب مصري اسمه خميس وشاب اسمه جيمس

الاتنين من اسر متوسطه

خميس مصري .. وجيمس امريكي

نبدأ :

جيمس :






لدينا بيت من دورين في منطقه مميزه .. ولدينا سياره ممتازه اخر موديل .. نظام التقسيط من البنوك سهل





وهامش الربح ضعيف عندنا ..


خميس :





اتولدت في شقه ايجار قديم .. في حي شعبي .. ابويا حاول يملكها بس المالك كان عاوز يطردنا بأي طريقه .. وبيحلم باليوم ده ..




ابويا عنده اتوبيس .. بس بتاع الحكومه طبعا !!



شغال عليه سواق ..

فكر ياخد قرض من البنك عشان ننقلوا في بيت تاني

بس البنوك عندنا هامش الربح عندهم فلكي ..




جيمس :

اسلوب حياتنا طبيعي وعادي ولا يفرق عن الاغنياء بكثير .. يجب اسبوعيا ان نذهب للنادي يوما كاملا ..



نذهب للمصيف كل سنه

لمده اسبوعين علي الاقل ..


لدينا كمبيوتر واحدث اجهزه الترفيه في المنزل ..


خميس :

اسلوب حياتنا طبيعي .. نذهب اسبوعيا لصلاه الجمعه .. ونسمع الخطبه وندعي مع الشيخ علي مافعله فينا السفهاء منا ..




نذهب للبحر يوم او يومان سنويا ..



نرجع من البحر اشبه بالزنوج .. لدينا في المنزل الاجهزه الضروريه في الحياه .. بالتقسيط !!


جيمس ::

ابي يعمل 8 ساعات .. الاحد والاتنين اجازه اسبوعيه .. مرتب ابي 5 الاف دولار شهريا .. وهو مرتب ضعيف جدا .. سمعت ان ابي

هددهم في العمل انهم لو لم يرفعوا اجره سيستقيل ويحرمهم منه ..




خميس :

ابويا يعمل 12 ساعه يوميا .. الجمعه اجازه .. يذهب فيه للعمل اضافي لكي يوفر مبلغ لتكاليف شوار اختي عفاف ..

ابويا بياخد مرتب 850 جنيه شهريا .. ومتسألنيش احنا عايشين

ازاي !! مين قالك اننا عايشين ؟ انت بتسأل اسئله غريبه !!




ابويا حاول يزود اجره هددوه بفصله او اخراجه معاش مبكر !!


جيمس :

بفكر ابقي رجل اعمال .. اول مشعر اني اقدر اعتمد علي نفسي حأجر شقه في نيو جيرسي .. واعيش هناك واعمل مشاريع

خاصه بيا ..





بابا للاسف مش حقدر اشتغل زييه في شركات البترول .. لاني مش بهواها ولانها مش بتعمل مليونير

خميس :

بفكر اطلع كمساري !! ..



لو ملحتقش اشتغل وابويا في القطاع العام يبقي مش حشتغل في حياتي ابدا ..

وربنا لو سهل حأجر شقه في منطقه شعبيه رخيصه شويه واتجوز

واكمل نص ديني ..

لا مش حفكر في البترول طبعا



مين معاه مبلغ زي اللي بيطلبوه .. دول بيبيعوا وظائف مش بيبيعوا

بترول !!


جيمس :

تعرفوا انا بفكر في فكره جميله لتمضيه الاجازه الدراسيه اللي

جايه .. بفكر اني اروح اسافر فرنسا وايطاليا !!



ايوه الشركات السياحيه عندنا عاملين عرض مدهش .. بالنسبه للطلبه ..

اسبوع سياحه كامل في البلدين بسعر ممكن اوفره من مصروفي ..



ممكن ابقي اخلي بابا يديني مصاريفي هناك

هو مش حيأخر عليا حاجه طبعا ..


خميس :

تعرفوا اا بفكر في فكره جميله وجامده .. بفكر اسافر ليبيا واحاول

اجرب حظي مع الشباب اللي بيروحوا ايطاليا


عن طريق البحر ..




بيقولوا انها قريبه جدا من ليبيا مسافه صغيره .. وان

الناس اللي بتغرق دي اشاعات

لتخويف الشباب وقطع الرزق الوفير عليهم .. . ايه رأيكم .. لو قولت

لابويا حيوافق ؟؟


جيمس :

اللي بيعجبني في بلدي اني ممكن امشي ماسك يافطه بهزق فيا

رئيس بلدي ومحدش يقدر يقولي تلت التلاته كام




وان اي موظف حكومي مبيقدرش يرفع رأسه في وشي وانا بكلمه ..

ايوه مانا بدفع مرتباتهم بالضرائب اللي بابا بيدفعها ..

لو حد بس نطق بكلمه اخد منه غرامه وتبقي قضيه الناس تتكلم

عنها .. عشان كده محدش يجرؤ


خميس :

روحت بأبويا التأمين الصحي .. كان مريض شويه .. سابونا 4 ساعات

قاعدين بدون اي اهتمام ..





وعندما تكلمت مع الممرضه قالتلي استني دورك يا خويا .. احنا مش

ناقصينكم ..

قعدت ازعق واقول فين المدير بتاع المكان

واحد من المرضي قالي :


يابني اهدي متوديش نفسك في داهيه .. المدير عارف كل حاجه وهو اللي منظم المكان

لو سمعك بتشتم حتروح وراء الشمس .. انت عارف اللي يغلط في اي



مسؤل في بلدك بيروح فين



جيمس :

انا حاخد مبلغ بدل بطاله لفتره بعد تخرجي .. بس الشغل اكيد حيجيلي بسرعه .. عندنا الكل بيشتغل .. بلدنا دي كانت

ولا حاجه من سنين .. وكر عصابه اللفظ المناسب لبلدي ..



اما الان

فهي تحكم العالم .. وانا سعيد جدا بهذا


خميس :

انا مش لاقي شغل ولازم اتجوز حنان خلال شهرين ومعملتش حاجه في الشقه !!

ابوها بيتلككلي وممكن يفسخ الخطوبه .. انا مقدرش اعيش من غيرها فعلا .. حموت نفسي لو حصل كده

ومدام موت بموت .. يبقي حروح اشوف موضوع بيع الكلي

ده ..



انا فصيلتي نادره .. وكليتي تساوي كتير

انا بلدي باعتني رخيص .. فليه مبعش نفسي بنفسي ؟؟

انا بلدي كانت بتحكم قديما العالم .. دلوقتي حكمت عليا بالموت !!

وانا حزين جدا بكده



.....................



انتهت المقارنه البسيطه .. كنت ممكن اطولها اكتر من كده


بس اظن ان كده كفايه جدا لفهم الفكره


مع الملاحظه انني راعيت عدم ذكر الفرق في الدين .. او الاخلاق

لان هذا ليس المجال لذكرهم ..

احذر سب اصدقائك بالام والاب

كتبها :احمد عبدالحي ॥ في اغسطس 2010


ظاهره رهيبه انتشرت وتوغلت في المجتمع المصري هذه الايام

كانت في الماضي مقتصره علي رعاع القوم ..

ولكنها انتقلت فجأه الي الشباب الذي يفترض انهم (اولاد ناس )

عندما تجد شاب يجلس يتكلم مع صديقه العزيز علي الانترنت

فيقول له مثلا :

- بتعمل ايه يابن الــمـ ......... علي النت مش اتفقنا تنزلي دلوقتي ؟

الصديق الاخر :

- لا يا كــ . ... انا قولتلك مش حنزل انهارده ..

الصديق الاول :

- كـ ...... ........


طبعا الكلام واضح ومفهوم للجميع ..

السؤال هنا .. منذ سنوات قليله كانت هذه الالفاظ كما قلنا تنطبق

علي رعاع القوم ..واطفال الشوارع



الجهله منهم بالتحديد ..وغالبيه مجرمي الشوارع

الان انتقلت الي غالبيه الشباب فلماذا ؟؟

نستطيع ان نقول ان غالبيه شباب هذه الايام _ نقول الغالبيه وليس الكل_ وصلوا لمرحله

من المياعه وزياده افراز هرمونات الانوثه في اجسامهم المفترض انها

اجساد رجال

فكان الحل عندهم هو تغطيه هذه المياعه ومقاومتها بأستخدام الالفاظ

الخشنه

التي سمعوها علي السنه الرعاع .. حتي يقوموا بمعادله الموضوع .. ويدفعوا عن انفسهم

صفه المياعه التي تطاردهم ..





تشاهد عاده هذه الشباب علي النواصي .. يقف دائما مع اصدقائه ويمسك الموبيل في يده

ويرسل بالبلوتوث لصديقه احدث نغمه قام بتنزيلها ..

وتجده يلبس شورط برامودا غالبا ..

ويقوم بتربيه شعره ويغطيه بغطاء الرأس فيجعله يخرج من الجانبيين

مثل نجاح الموجي ..








تجده في الخارج متأنق ومتألق .. ويعيش في حجره يجعلها كالزريبه غالبا



غالبا كل واحد منهم لديه ايميلين .. ايميل عادي بأسمه .. وايميل بأسم

بنت المفترض انها منحرفه



لكي يقوم بأيميله بأيقاع البنات من الفيس بوك .. وعندما يملهن

يقوم بفتح ايميل الانثي ويخدع اصحابه

او اي اشخاص اخريين ويوهمهم انه انثي منحرفه .. وتبدأ كميات من

الالفاظ البذيئه المتبادله

كأنه يتمرن علي الالفاظ بهذه الطريقه او لكي يكتسب الفاظ جديده ..



كيف يجلس شاب مع صديقه ويسب امه وابوه .. ؟؟

كيف يستقبل الاب والام صديق الابن في المنزل ثم يدخل الصديق بكل

خجل وادب وبأبتسامه رقيقه حجره صديقه



ثم يتبادلوا في وسط حديثهم سب امهاتهم وابائهم ؟؟؟؟؟؟؟؟؟؟؟؟؟

لقد حذر الرسول عليه الصلاه والسلام من هذه المشكله ..

وقال :

: " إِنَّ مِنْ أَكْبَرِ الْكَبَائِرِ أَنْ يَسُبَّ الرَّجُلُ أَبَاهُ . قَالُوا : وَكَيْفَ يَسُبُّ أَبَاهُ ؟ قَالَ : " يَسُبُّ أَبَا الرَّجُلِ فَيَسُبُّ أَبَاهُ "


الناس وقتها استغربت وقالت ازاي الراجل يسب اباه ؟؟؟؟؟

فأخبرهم بمنتهي الوضوح .. انه يسب ابو الرجل فيرد عليه الاخر بسب اباه ..


ربما يكون ممن يقرأون الموضوع الان احد الشباب الذيين يسبون

اباء وامهات اصدقائهم في حديثهم العادي




يقرأ بأستهزاء طبعا ..

احب ان اسئله ويجيب بكل امانه ...

انت قرأت الحديث بتاع رسولك الكريم .. اللي اتنبئ بقدومك

فهل ماتفعله هو عناد لدينك ؟؟؟ هل انت من

اشقياء الدنيا والاخره ؟؟




هل تعلم انك لو سببت ابو صديقك او امه ولو مره واحده في حياتك ..

ربما تكون هذه السبه الوحيده هي سبب دخولك لجهنم والعياذ بالله ؟؟






هذه الفعله من اكبر الكبائر .. اي انها كالزني والخمر والقمار ..

هل ترضي ان تفعل اكبر الكبائر في كل مجلس او لقاء مع اصحابك ؟

ارجوك اياك ان تعاند رسولك .. اياك ان تعاند دينك .. اياك ان تتلفظ بأي لفظ

ليس له ضرورة علي الاطلاق ..

قل لصاحبك يا خايب .. يا اهبل .. يا بارد .. يا غلس .. يا ممل ..

خليك محترم ..


بلاش تبقي من الرعاع .. وارفع راسك وبنطلونك لفوق




انا بحكم تعدد اصدقائي اري في بعضهم هذه الخصله السيئه

سب الاباء بالهزار

ولكن لا يجرؤ احدهم علي ان يتلفظ بكلمه واحده ضدي ..


بل واجاهد معهم كي يتخلصوا منها لو استطعت ..

باب التوبه مفتوح .. استغفر ربك علي خطأك ..

انت الان قد عرفت مدي هذه المصيبه



ولو استمررت عليها بعد الان انتظر من الله عقاب قريب

وجاهد اصحابك .. وارتفعوا بنفوسكم لمستوي الاحترام ..

والا ستظلوا طوال حياتكم يسبكم القريب .. والغريب